I Blant
Gweithdy i Blant – Cerfio ac Addurno Pwmpenni
30 Hydref - 30 Hydref 2022
Am ddim
7+ oed
11yb - 12.30yp
Eventbrite: Cerfio ac Addurno Pwmpenni
Ymunwch â ni yn Oriel Mission am weithdy addurno a cherfio pwmpenni.
Byddwn yn dangos i chi sut mae tynnu gwahanol fathau o ymadroddion i greu wyneb hwyliog ar gyfer eich pwmpen, ac wedyn byddwn yn eu haddurno’n ofalus ac yn eu cerfio gyda’n gilydd.
Byddwn yn cyflenwi’r pwmpenni a’r ysbrydoliaeth greadigol ar gyfer eich dyluniadau.
Caiff yr holl ddeunyddiau eu darparu.
Byddwn hefyd yn siarad am wastraff bwyd a sut gallwch chi fanteisio i’r eithaf ar eich pwmpen dros ben gyda ryseitiau ac awgrymiadau.
Mae’r holl arian a godir yn ein gweithdai yn cael ei ddefnyddio i gefnogi artistiaid ac i barhau â’n rhaglenni ymgysylltu ac allgymorth.
Bydd angen i chi fod ar gael yn ystod y sesiwn, rhag ofn y bydd angen i ni gysylltu â chi i gasglu eich plentyn
Rydyn ni’n gofyn i chi neu eich plentyn aros gartref os ydych chi’n teimlo’n sâl. Rhowch wybod i ni na fydd eich plentyn yn dod i’r sesiwn.
I gael rhagor o wybodaeth, cysylltwch â Megan Leigh, Cydlynydd Dysgu ac Ymgysylltu, ar 01792 652016 neu anfonwch e-bost at megan@missiongallery.co.uk
Mae deunyddiau yn brin a rhaid i chi archebu’ch lle. Rhowch wybod i ni am unrhyw ofynion o ran mynediad, alergeddau neu gyflyrau meddygol.
O ran mynediad, mae un gris o’r palmant i lawr ein prif fynedfa. Cynhelir y gweithdai yn y gofod addysg ar lawr cyntaf yr oriel. Oherwydd cyfyngiadau’r adeilad, mae mynediad i’r ystafell addysg ar y llawr cyntaf ar risiau serth. Mae staff wrth law i roi cymorth os oes angen.
