I Blant
Sesiwn Dawel: Gweithdy gwneud collage a stampiau
18 Chwefror - 18 Chwefror 2023
7 oed +
2yh - 3yh
Cost - Cyfraniad
Cliciwch isod i bwcio:
Eventbrite: Sesiwn Dawel: Gweithdy gwneud collage a stampiau
Erbyn hyn rydyn ni’n cynnig Sesiynau Tawel ar gyfer ein gweithdai plant.
Bwriedir y gweithgareddau hyn i fod yn addas i unrhyw gyfranogwyr sydd ag awtistiaeth neu anawsterau dysgu. Dyma fersiwn hyblyg sydd wedi’i phersonoli o weithdy’r bore, gyda llai o olau a sŵn yn yr oriel. Mae’r grwpiau’n llai ac mae yna groeso i rieni aros a mwynhau’r sesiynau yma lle nad oes cymaint o bobl.
Mae’r holl arian a godir yn ein gweithdai yn cael ei ddefnyddio i gefnogi artistiaid ac i barhau â’n rhaglenni ymgysylltu ac allgymorth.
Rydyn ni’n gofyn i chi neu eich plentyn aros gartref os ydych chi’n teimlo’n sâl. Rhowch wybod i ni na fydd eich plentyn yn dod i’r sesiwn.
I gael rhagor o wybodaeth, cysylltwch â Megan Leigh, Cydlynydd Dysgu ac Ymgysylltu, ar 01792 652016 neu anfonwch e-bost at megan@missiongallery.co.uk
Mae deunyddiau yn brin a rhaid i chi archebu’ch lle. Rhowch wybod i ni am unrhyw ofynion o ran mynediad, alergeddau neu gyflyrau meddygol.
O ran mynediad, mae un gris o’r palmant i lawr ein prif fynedfa. Cynhelir y gweithdai yn y gofod addysg ar lawr cyntaf yr oriel. Oherwydd cyfyngiadau’r adeilad, mae mynediad i’r ystafell addysg ar y llawr cyntaf ar risiau serth. Mae staff wrth law i roi cymorth os oes angen.
