I Blant
Celf a Chrefft gyda deunyddiau wedi’u hailgylchu
27 Ionawr - 27 Ionawr 2024
Fore Sadwrn 27 Ionawr 2024
11am-12:30pm | 7+| Croeso i chi roi cyfraniad ariannol ar y diwrnod
Celf a Chrefft gyda deunyddiau wedi’u hailgylchu
Ymunwch â ni am sesiwn hwyliog lle byddwch yn creu crefftau anhygoel gan ddefnyddio deunyddiau wedi’u hailgylchu. Rydyn ni yma i helpu i danio eich dychymyg - boed hynny drwy greu paentiadau lliwgar, blodau papur, rocedi cardfwrdd neu greadigaethau ffelt.
Byddwn yn darparu’r holl ddeunyddiau.
Fel gweithdy cynaliadwy, mae croeso i chi ddod ag unrhyw ddeunyddiau diangen gyda chi.
Oherwydd capasiti ein lleoliad, mae lleoedd yn brin. Os byddwch yn cadw lle yn un o'n gweithdai, gofynnwn i chi gadw at eich ymrwymiad i fod yn bresennol.
Rydym eisiau i’n gweithdai fod mor hygyrch â phosibl ond rydym yn gofyn i chi roi cyfraniad ariannol ar y diwrnod os gallwch chi. Ystyriwch gyfrannu os gallwch chi er mwyn cefnogi’r gweithdai a’r rhaglenni addysg yn Oriel Mission yn y dyfodol.
I gael rhagor o wybodaeth, cysylltwch â Megan Leigh, Cydlynydd Dysgu ac Ymgysylltu, ar 01792 652016 neu anfonwch e-bost at megan@missiongallery.co.uk
Rhowch wybod i ni am unrhyw ofynion o ran mynediad, alergeddau neu gyflyrau meddygol.
O ran mynediad, mae un gris o’r palmant i lawr ein prif fynedfa.
Cynhelir y gweithdai yn y gofod addysg ar lawr cyntaf yr oriel.
Oherwydd cyfyngiadau’r adeilad, mae mynediad i’r ystafell addysg ar y llawr cyntaf ar risiau serth.
Mae staff wrth law i roi cymorth os oes angen.
