Dydd Sadwrn 2 Mai 2026
11am-3pm | Gweithdy i oedolion | £55
Mygiau Espresso Ceramig Bach gyda Katherine Silvera Sunley, Old Stony Hill:
Darperir lluniaeth
Nodyn: Pan fyddwch yn dod at y dudalen taliad fe fydd eventbrite yn ychwanegu ffi ychwanegol. I osgoi hwn, cysylltwch gyda’r oriel yn uniongyrchol a bwcio dros y ffôn
Bywgraffiad o’r artist
Mae Katherine (neu Kat) Silvera-Sunley yn fenyw o Jamaica sydd wedi byw mewn ychydig o lefydd, gan gyrraedd hen dref lofaol oer yng nghymoedd Cymru yn y pen draw. Astudiodd Celfyddyd Gain ym Mryste yn Lloegr ond roedd wedi bod yn datblygu ei hymarfer celf ers tro byd cyn hynny. Magodd ddiddordeb mewn cerameg pan roedd hi’n byw ym Malta fel ffordd o wneud ei chelf yn haws ei gludo. Mae hi’n creu yn ei stiwdio gartref, ac mae hi wrth ei bodd yn creu celf sydd o fewn cyrraedd pobl yn ariannol ac yn ddeallusol. Mae hi’n credu bod lle mewn celfyddyd gyfoes / celfyddyd gain, i waith sy’n caniatáu i ni gael mynediad at ba emosiwn bynnag y mae arnom eisiau ei gael – boed hynny’n hapusrwydd neu’n dristwch, heb iddo fod yn rhywbeth egsgliwsif, cymhleth neu gysyniadol iawn ei natur.
Crynodeb
Ymunwch â ni am weithdy cerameg gwych gyda Katherine Silvera-Sunley, a elwir hefyd yn Old Stony Hill. Bydd Katherine yn dangos i chi sut mae hi’n gwneud mygiau espresso bach hyfryd sy’n llawn cymeriad.
Yn gyntaf, bydd Katherine yn dangos i chi sut i wireddu syniad sydd gennych. Gan adeiladu eich siâp sylfaen â llaw allan o glai, byddwch chi wedyn yn ychwanegu nodweddion mynegiannol, gan orffen drwy baentio ac addurno.
Bydd pawb yn cael cyfle i wneud 1 mwg espresso bach, ac os bydd digon o amser, cewch wneud soser i gwblhau’r set. Bydd Katherine yno i’ch tywys drwy’r broses gyfan – oherwydd mae’r gweithdy wedi’i gynllunio i fod yn agored i bobl o bob lefel artistig, gyda chefnogaeth ei hyfforddiant arbenigol. Yna, bydd Katherine yn mynd â’r gweithiau yn ôl i’w stiwdio, a phan fyddan nhw’n ddigon sych, bydd hi’n dechrau eu crasu hyd at dair gwaith. Gan gynnwys y tro olaf i ychwanegu sglein aur
Ar ôl hynny, byddwn yn trefnu i chi ddod i nôl eich creadigaethau o’r oriel.
Nid oes angen profiad blaenorol, a bydd yr holl ddeunyddiau’n cael eu darparu fel rhan o’r gweithdy.
—
Nid oes angen profiad blaenorol, a bydd yr holl ddeunyddiau’n cael eu cynnwys fel rhan o’r gweithdy.
Mae gweithdai o ansawdd uchel sy’n cael eu harwain gan artistiaid yn ganolig i’r gwaith rydyn ni’n ei wneud yma yn Oriel Mission. Mae pob tocyn sy’n cael eu prynu’n cyfrannu at ein Rhaglen Allgymorth, ac mae’n cefnogi iawndal teg i’n hartistiaid talentog.
Oherwydd capasiti ein lleoliad, mae lleoedd yn brin. Os byddwch yn cadw lle yn un o’n gweithdai, gofynnwn i chi gadw at eich ymrwymiad i fod yn bresennol.
Rydym eisiau i’n gweithdai fod mor hygyrch â phosibl ond rydym yn gofyn i chi roi cyfraniad ariannol ar y diwrnod os gallwch chi. Ystyriwch gyfrannu os gallwch chi er mwyn cefnogi’r gweithdai a’r rhaglenni addysg yn Oriel Mission yn y dyfodol.
I gael rhagor o wybodaeth, cysylltwch â
Safiyyah Altaf,
Megan Leigh, Cydlynydd Dysgu ac Ymgysylltu, ar 01792 652016 neu anfonwch e-bost at megan@missiongallery.co.uk
Rhowch wybod i ni am unrhyw ofynion o ran mynediad, alergeddau neu gyflyrau meddygol.
O ran mynediad, mae un gris o’r palmant i lawr ein prif fynedfa.
Cynhelir y gweithdai yn y gofod addysg ar lawr cyntaf yr oriel.
Oherwydd cyfyngiadau’r adeilad, mae mynediad i’r ystafell addysg ar y llawr cyntaf ar risiau serth.
Mae staff wrth law i roi cymorth os oes angen.
