Dydd Sadwrn 14eg Chwefror
2pm-3pm | 7+ | £7
Sesiynau â Chymorth Gweithdy i’r teulu – Tai Bwganod ac addurniadau corynnod
Mae Sesiynau â Chymorth yn fersiwn fyrrach ac wedi’i haddasu o’n prif raglen grefftau. Mae’r gweithgareddau wedi’u cynllunio ar gyfer pobl sydd â gorbryder, awtistiaeth neu anghenion dysgu ychwanegol. Maent yn cynnwys fersiwn bersonol a hyblyg o’r gweithdy creadigol sy’n ceisio annog cyfranogiad creadigol. Mae’r grwpiau’n llai er mwyn cefnogi amgylchedd sy’n ystyriol o amrywiaeth. Gofynnir i rieni a gofalwyr ddod i greu hefyd, a mwynhau’r sesiynau gyda’i gilydd. Mae’r sesiynau’n ceisio bod yn groesawgar a chefnogol. Os ydych chi eisiau trafod a yw’r gweithdai hyn yn addas i chi, cysylltwch â’r oriel. Dim ond tocyn ar gyfer pob plentyn sy’n mynychu sydd angen ei archebu.
Gweithdy i’r Teulu Calonnau Coed Helyg
Dewch fel teulu i greu calon coed helyg ar Ŵyl Sant Ffolant. Byddwn yn defnyddio canghennau coed helyg hyfryd i’w plygu ac i greu siâp calon. Gallwch addurno eich gwaith gyda rhubanau a gleiniau i wneud rhywbeth arbennig llawn cariad ar Ŵyl Sant Ffolant.
Byddwn yn darparu’r holl ddeunyddiau.
Oherwydd capasiti ein lleoliad, mae lleoedd yn brin. Os byddwch yn cadw lle yn un o’n gweithdai, gofynnwn i chi gadw at eich ymrwymiad i fod yn bresennol.
Rydym eisiau i’n gweithdai fod mor hygyrch â phosibl ond rydym yn gofyn i chi roi cyfraniad ariannol ar y diwrnod os gallwch chi. Ystyriwch gyfrannu os gallwch chi er mwyn cefnogi’r gweithdai a’r rhaglenni addysg yn Oriel Mission yn y dyfodol.
I gael rhagor o wybodaeth, cysylltwch â
Safiyyah Altaf Swyddog Creadigol Allgymorth:Outreach@missiongallery.co.uk ar 01792 652016
Megan Leigh, Cydlynydd Dysgu ac Ymgysylltu, ar 01792 652016 neu anfonwch e-bost at megan@missiongallery.co.uk
Rhowch wybod i ni am unrhyw ofynion o ran mynediad, alergeddau neu gyflyrau meddygol.
O ran mynediad, mae un gris o’r palmant i lawr ein prif fynedfa.
Cynhelir y gweithdai yn y gofod addysg ar lawr cyntaf yr oriel.
Oherwydd cyfyngiadau’r adeilad, mae mynediad i’r ystafell addysg ar y llawr cyntaf ar risiau serth.
Mae staff wrth law i roi cymorth os oes angen.
